Beygla með reyktum laxi og rjómaosti
Uppskrift fyrir 4
Innihald
4 stk Beyglur
400 g reyktur lax frá Hafinu skorinn í sneiðar
200 g rjómaostur
1 msk sítrónu safi
1 msk smátt saxaður graslaukur
Klettasalat
Ólífuolía
1 stk Sítróna skorin í sneiðar
Salt og pipar
Aðferð:
Skerið beyglurnar í helminga og leggið í eldfast mót, sáldrið ólífuolíu yfir og bakið í ofni við 200°c í 4-5 mínútur. Hrærið saman rjómaosti, salti, pipar, sítrónusafa og graslauk í skál.
Smyrjið vel af rjómaostinum á hverja beyglu og leggið klettasalatið og laxinn yfir. Myljið wasabi hneturnar yfir í lokin ásamt því að saxa niður graslauk og skreytið beyglurnar með sallatinu og hnetunum. Berið brauðið fram með sítrónubátum.
Vefjur með reyktum laxi
4 stk tortillakökur
4 msk rjómaostur með graslauk og hvítlauk
8 sneiðar af reyklaxi Hafsins
2 msk fínt hakkað dill
Smyrjið tortilla kökurnar með rjómaostinum og dreifið reyktum laxi og dilli yfir.
Rúllið vefjunni þétt saman og skerið í c.a 3cm þykka bita
Hægt er að búa til vefjurnar daginn áður en þá þarf að setja plastfilmu yfir bakkan svo þær þorni ekki upp.
Reyktur lax með avókadó á vöfflu eða brauði.
Hollur og góður réttur á aðeins nokkrum mínútum.
Uppskrift fyrir 4
Innihald
4 stk vaffla eða brauð
2 stk avókadó
4 msk geitaostur
2 msk sýrður rjómi
400 gr reyktur lax
1 stk sítróna
Salt og pipar eftir smekk
Hrærið geitaostinum og sýrða rjómanum saman í skál og toppið vöffluna.
Skerið avókadóið í sneiðar og setjið á vöffluna ásamt reykta laxinum. Stráið salti og pipar yfir eftir smekk.
Við mælum með að kreista sítrónu yfir sem gefur frískandi bragð.